Tarix / Abituriyent hazırlığı

Kateqoriya İmtahana hazırlıq kursları
Abituriyent hazırlığı

Qiymət 30 Azn

Mən Məhəmməd Məlikov, 2025-ci ildə Azərbaycan Dövlət Pedaqoji Universitetinin "Tarix müəllimliyi" ixtisasını bitirmişəm. Tarix fənni üzrə abituriyentlərin (II və III qruplar) ali məktəblərə qəbul imtahanlarına hazırlığı ilə məşğul oluram. Həmçinin V-XI siniflər üzrə təkmilləşdirmə dərsləri də həyata keçirirəm. Repititorluq fəaliyyətimə 2021-ci ildə başlamışam. Həm onlayn, həm də əyani formada, həm fərdi, həm də qrupla tarix fənni üzrə Bakı şəhərində repititorluq fəaliyyəti ilə məşğul oluram.
Tarix fənninin nəzəri hissəsi və tədrisin metodikasına dərindən bələdəm. Tədris metodikası, pedaqogika, təlim və tədrisin təşkili, pedaqoji psixologiya sahələrini əhatə edən beynəlxalq sertifikatlara sahibəm. Dərslərimdə şagirdlərin mövzuları sadəcə əzbərləməsinə deyil, tarixi hadisələri səbəb-nəticə əlaqələri ilə dərindən anlamasına xüsusi diqqət yetirirəm. Tədris prosesində fərdi yanaşma tətbiq edir, hər bir şagirdin bilik səviyyəsinə uyğun İndividual proqram hazırlayıram. Mövzular test tapşırıqları, xəritələr, sxemlər və əlavə mənbələr vasitəsilə daha effektiv şəkildə izah olunur.
Məqsədim şagirdlərimin tarix fənninə marağını artırmaq, onların analitik düşünmə bacarıqlarını inkişaf etdirmək və yüksək nəticələr əldə etmələrinə dəstək olmaqdır. Məsuliyyətli, səbirli və nəticəyönümlü yanaşma ilə keyfiyyətli təhsil təqdim edirəm.
Proqram "Azərbaycan tarixi" və "Ümumi tarix" olmaqla iki dərsi əhatə edir. Proqram üzrə həftə ərzində 2 dəfə "Azərbaycan tarixi", 1 dəfə "Ümumi tarix" olmaqla 3 dəfə hazırlıq həyata keçirilir.
İndividual (fərdi) formada tarix fənni proqramının bitirilmə müddəti abituriyentin qavrama qabiliyyətindən asılı olaraq ortalama 4 ay, qrup formasında isə 6 ay təşkil edir. Geri qalan müddət isə imtahana qədərki dövrdə təkrarlara, qəbul formatında test tapşırıqlarının işlənilməsinə, zəif yerlərin möhkəmləndirilməsinə sərf olunur.
Dərslər istəkdən asılı olaraq həm onlayn formada (Zoom və ya Google Duo üzərindən), həm də əyani formada tədris olunur.
Daha ətraflı məlumat və qeydiyyatdan keçmək, həmçinin müəllimin qrafiki ilə tanış olmaq üçün WhatsApp üzərindən əlaqə saxlaya bilərsiniz.